„მანჩესტერ იუნაიტედის“ ყოფილმა ფეხბურთელმა და მწვრთნელმა რუდ ვან ნისტელროიმ კლუბს, მის თანამშრომლებს და გულშემატკივრებს მადლიერების პოსტი დაუწერა.
ნიდერლანდელი „მანჩესტერ იუნაიტედის“ სამწვრთნელო შტაბში 2024 წლის ზაფხულიდან მუშაობს. გუნდის მთავარი მწვრთნელის, ერიკ ტენ ჰაგის თანამდებობიდან გათავისუფლების შემდეგ, „მანჩესტერ იუნაიტედის“ ხელმძღვანელობამ მის ასისტენტთან დაშორება გადაწყვიტა.
„მივმართავ ყველას „მანჩესტერ იუნაიტედში" - განსაკუთრებით პერსონალს, ფეხბურთელებს და გულშემატკივრებს. მინდა გულით მადლობა გადაგიხადოთ თქვენი წარმოუდგენელი ძალისხმევისა და მხარდაჭერისთვის.
ჩემთვის დიდი პატივი იყო ამ კლუბში ყოფნა, როგორც ფეხბურთელი და მწვრთნელი. ყოველთვის დავაფასებ ჩვენი ერთობლივი მუშაობის მოგონებებს.
„იუნაიტედს" ყოველთვის განსაკუთრებული ადგილი ექნება ჩემს გულში და ვიმედოვნებ, დიდების დღეები მალე დაბრუნდება „ოლდ ტრაფორდზე". არა მხოლოდ იმიტომ, რომ მე ეს მინდა, არამედ იმიტომ, რომ თქვენ ყველა იმსახურებთ ამას. ყველაფერ საუკეთესოს გისურვებთ და გაუფრთხილდით საკუთარ თავს“, - წერს ნიდერლანდელი.
