საქართველოს ეროვნული ლიგის 32-ე ტურში „სამტრედიამ“ „დინამო თბილისს“ უმასპინძლა და გუნდებმა ქულები გაიყვეს.

პირველივე ტაიმში გავიდა ორივე გოლი: ჯერ ვახტანგ სალიამ „დინამო“ დააწინაურა, რასაც მალევე დანიელ ოვუსუმ უპასუხა, ხოლო მეორე ნახევარში გუნდების მცდელობის მიუხედავად, ანგარიში აღარ შეცვლილა.

„დინამო თბილისი“ 39 ქულით მეხუთე ადგილზეა და მომდევნო ტურში გორის „დილას“ შეხვდება, ხოლო „სამტრედია“ 27 ქულით მეათეა და წინ „სამგურალთან“ მატჩი აქვს.