ძიუდოს ფედერაციას ახალი პრეზიდენტი ჰყავს. დღეიდან მომდევნო ოთხი წლის განმავლობაში ფედერაციას სათავეში ლევან ნოზაძე ჩაუდგება.
არჩევნები ძიუდოს ფედერაციაში გაიმართა და პროცესში მონაცილეობა მოწვეული 57 დელეგატიდან, ადგილზე მყოფმა 45-მა ხმის მიცემის მქონე სუბიექტმა მიიღო.

ყველა მათგანმა ერთადერთ კანდიდატს მხარი დაუჭირა. ახლად არჩეულმა პრეზიდენტმა კი თავის მხივ ვიცე-პრეზიდენტები წარადგინა.
პირველი ვიცე-პრეზიდენტი კვლავ დავით ქევხიშვილი იქნება, ხოლო მეორე - უკვე ყოფილი პრეზიდენტი გიორგი ათაბეგაშვილი. გენერალური მდივნის თანამდებობას კი ირინე გულიაშვილი დაიკავებს.

დღესვე აირჩიეს საპატიო პრეზიდენტიც, რომელიც სლავა შერაზადიშვილი იქნება. დამტკიცდა აღმასკომიც.

საანგარიშო-საარჩევნო ყრილობა ოთხი ნაწილისგან შედგებოდა.

1.ფედერაციის პრეზიდენტის გიორგი ათაბეგაშვილის მოხსენება-ანგარიში

​2. საქართველოს ძიუდოს ფედერაციის პრეზიდენტისარჩევნები

3. ვიცე-პრეზიდენტების, გენერალური მდივნისა და აღმასკომის წევრების დამტკიცება

4. სხვადასხვა

შეგახსენებთ, რომ ბოლო 4 წელი ფედერაციის პრეზიდენტი გიორგი ათაბეგაშვილი იყო.