„ფენერბაჰჩეს“ მთავარმა მწვრთნელმა ჟოზე მოურინიუმ უპასუხა კითხვას, რა უნდა ვიგულისხმოთ „მოურინიუს ეფექტში.“

„ეს არის ტიტულები და თასები. მაგრამ სექტემბერში „ფენერბაჰჩე“ ტიტულს ვერ მოიპოვებს. ამ თვეში მოსაგებად ტიტულები არ არსებობს. მე მოვიგე ტიტულები ყველა კლუბში, რომელშიც ვმუშაობდი, გარდა „ტოტენჰემისა,“ სადაც გამათავისუფლეს თასის ფინალამდე ორი დღით ადრე (2021 ლიგის თასის ფინალი, სადაც „ტოტენჰემი“ „მანჩესტერ სიტისთან“ 0:1 დამარცხდა). სხვა კლუბებში შრომის შედეგი იყო ტიტულები“, - ციტირებს მოურინიუს სიტყვებს Sky Sports.

თურქეთის ჩემპიონატის ექვსი ტურის შემდეგ, „ფენერბაჰჩემ“ 13 ქულა მოაგროვა, მეორე ადგილზეა და ლიდერ „გალათასარაის“ ხუთი ქულით ჩამორჩება.