„ნაპოლის“ დირექტორმა ჯოვანი მანამ ხვიჩა კვარაცხელიასთან კონტრაქტის განახლების საკითხზე კიდევ ერთხელ ისაუბრა.

მან ისევ გაიმეორა, რომ საჩქარო სიტუაცია არ არის და მოლაპარაკებები მიმდინარეობს:

„ვთქვი და გავიმეორებ: საჩქარო არაფერია. მას „ნაპოლისთან“ ჯერ კიდევ სამწლიანი კონტრაქტი აქვს. ამ საკითხზე ვსაუბრობთ, დედლაინი არ არსებობს, მშვიდად ვართ, ვნახოთ, მომდევნო თვეებში რა იქნება“, - თქვა მანამ.

შეგახსენებთ, რომ ხვიჩა კვარაცხელიას „ნაპოლისთან“ კონტრაქტი 2027 წლამდე აქვს გაფორმებული და სეზონში 1.5 მილიონ ევროს გამოიმუშავებს. მიმდინარეობს მოლაპარაკებები ხელშეკრულების 2029 წლამდე განახლებაზე, რაც ხელფასის მნიშვნელოვნად გაზრდასაც გამოიწვევს.