„მანჩესტერ სიტიმ“ როდრის მძიმე ტრავმის შესახებ ინფორმაცია ოფიციალურად დაადასტურა.

ესპანელ ფეხბურთელს მიმდინარე სეზონი გაუცდება. მიუხედავად იმისა, რომ როდრი „სიტისთვის“ უმნიშვნელოვანესი ფეხბურთელია, პეპ გვარდიოლას დარწმუნებულია, რომ მას გუნდურად შეცვლიან.

„ვიპოვით გამოსავალს. თუ ფეხბურთელი შეუცვლელია, უნდა ვეცადოთ, რომ ეს გუნდურად გავაკეთოთ. ეს არის ზუსტად ის, რაც მოხდება. გასულ სეზონში 3 თვე ვიყავით ჰოლანდის გარეშე, 5 თვე დე ბრუინის გარეშე და პრემიერლიგა მაინც მოვიგეთ“, - თქვა გვარდიოლამ.

პროცენტული მაჩვენებლებიც კარგად ასახავს, რამდენად დიდი როლი აქვს როდრის. გასული სეზონის სტარტიდან „სიტიმ“ როდრისთან ერთად 52 მატჩიდან ერთადერთი წააგო, ხოლო მის გარეშე ჩატარებულ 14 შეხვედრიდან ოთხჯერ დამარცხდა.