საბერძნეთის სუპერლიგის მე-5 ტურში „პანსერაიკოსი“, სადაც ლუკა გუგეშაშვილი თამაშობს, ათენის „პანათინაიკოსთან“ 1:3 დამარცხდა, მაგრამ ქართველ მეკარეს 17 მოგერიება ჰქონდა!

ლუკას გაშვებულ გოლებში ბრალი არ მიუძღვის, თავისი გუნდი კი, არაერთხელ იხსნა. „პანსერაიკოსი“ ახლოს იყო ქულის მოპოვებასთან, თუმცა 81-ე და 88-ე წუთებზე ლუკას კარში ფილიპ ჯურიჩიჩმა ორჯერ გაიტანა და „პანამ“ გაიმარჯვა. გუგეშაშვილმა ამ შეხვედრაში 9.4 ქულის შეფასება დაიმსახურა, რაც ორივე გუნდში საუკეთესო მაჩვენებელი იყო.

„პანსერაიკოსი“ ხუთი ტურის შემდეგ ერთადერთი ქულით ბოლო, მე-14 ადგილზეა, მომდევნო ტურში კი, 30 სექტემბერს, „ლამიას“ ესტუმრება.