„უოტფორდის“ მთავარმა მწვრთნელმა ტომ ქლევერლიმ „ნორვიჩ სიტისთან“ მატჩამდე გიორგი ჩაკვეტაძის მდგომარეობაზე ისაუბრა.

როგორც მან თქვა, ხვალინდელი ვარჯიში გამოაჩენს, მოახერხებს თუ არა, ქართველი უახლოეს შეხვედრაში თამაშს:

„ტრავმა ბევრად სერიოზული ჩანდა, ვიდრე არის. ეს იყო ზურგის სპაზმი, რაზეც მას კარგი რეაქცია ჰქონდა. გუნდთან ერთად ჯერ ვარჯიშობს, მაგრამ ვიმედოვნებთ, რომ მატჩისთვის ხელმისაწვდომი იქნება. შანსი 50-50%-ზეა, ვნახოთ, ხვალ როგორ მოახერხებს ვარჯიშს“, - თქვა ქლევერლიმ.

შეგახსენებთ, რომ გიორგი ჩაკვეტაძემ ზურგის დაზიანება „ქოვენთრი სიტისთან“ შეხვედრაში მიიღო, მაგრამ დაზიანება არ არის ისეთი მძიმე, როგორიც თავიდან ერთი შეხედვით ჩანდა.