„ლევანტეს“ მთავარმა მწვრთნელმა ხულიან კალერომ გიორგი ქოჩორაშვილზე ისაუბრა და გამოთქვა მისი შენარჩუნების სურვილი, თუმცა ესმის, რომ გარკვეულ შეთავაზებაზე კლუბს უარის თქმა არ შეუძლია.
„ჩვეულებრივ ჩვენ ვაკეთებთ შეფასებებს ეროვნულ ნაკრებში წასულ ფეხბურთელებზე, ეს არის სრული ანგარიში, არა მხოლოდ სათამაშო წუთებზე. ძალიან ფრთხილად უნდა ვიყოთ. გიორგი მზადაა სათამაშოდ და ჩვენთვის ძალიან მნიშვნელოვანი ფეხბურთელია. გასათვალისწინებელია ის ფაქტიც, რომ ჯერ საქართველოში წავიდა, შემდეგ ალბანეთში და იქიდან ვალენსიაში დაბრუნდა. ვნახოთ, როგორ კონდიციაში იქნება.
არ მინდა, რომ ის რომელიმე ინგლისურმა კლუბმა წაგვართვას, ჩვენ უნდა ვიფიქროთ ჩვენს გუნდზე და არა იმაზე, ვინ შეიძლება წავიდეს. თუმცა, თუ გიჟური შეთავაზება გვექნება, არჩევანი არ გვექნება“, - თქვა კალერომ.
შეგახსენებთ, რომ გიორგი ქოჩორაშვილმა მიმდინარე სეზონში „ლევანტეში“ ჩატარებულ სამ მატჩში 1 გოლი გაიტანა და 1 საგოლე პასი გააკეთა.
