„მანჩესტერ სიტის“ მთავარმა მწვრთნელმა პეპ გვარდიოლამ ინგლისურ კლუბში თავდამსხმელის, ხულიან ალვარესის მომავალთან დაკავშირებით შეკითხვას უპასუხა. შეგახსენებთ, რომ ადრე არგენტინელმა ფეხბურთელმა საჯაროდ განაცხადა, რომ მეტი სათამაშო დროის მიღებას სურდა. გავრცელდა ინფორმაცია მის მიმართ ინტერესის შესახებ მადრიდის „ატლეტიკოდან“ და პსჟ-დან.

„არ არის ახალი ამბები. ახლა ის იმსახურებს დასვენებას. ძალიან დამღლელია ყოველ სამ დღეში თამაში 55 000 მაყურებლის წინაშე“, - ციტირებს ესპანელი სპეციალისტის სიტყვებს ჟურნალისტი ფაბრიციო რომანო სოციალურ ქსელ X (ყოფილი ტვიტერი).

შეგახსენებთ, რომ ალვარესმა 2024 წლის ოლიმპიადაზე არგენტინის ნაკრების შემადგენლობაში მიიღო მონაწილეობა. გუშინ, 2 აგვისტოს, ამ ტურნირის 1/4 ფინალში „ალბისელესტე" საფრანგეთთან (1:0) დამარცხდა.