პორტუგალიის ნაკრების თავდამსხმელი კრიშტიანუ რონალდუ მისი გუნდის ევრო 2024-ის ფლეი-ოფში გასვლას გამოეხმაურა. შეგახსენებთ, რომ პორტუგალიამ პირველი ადგილის გარანტია ჯგუფური ეტაპის მე-2 ტურის მატჩში თურქეთის ნაკრების დამარცხებით მოიპოვა (3:0). ამ შეხვედრაში რონალდუმ საგოლე გადაცემა შეასრულა.

„პირველი ადგილი გარანტირებულია. ვამაყობთ ამ გუნდით, ჩვენ პორტუგალია ვართ!” -დაწერა რონალდუმ სოციალურ ქსელში.

შეგახსენებთ, რომ პირველი ტურის მატჩში პორტუგალიის ნაკრებმა ჩეხეთს ანგარიშით 2:1 მოუგო.

ჯგუფური ეტაპის დასკვნით ტურში პორტუგალია საქართველოს ეროვნულ გუნდს შეხვდება. მატჩი 26 ივნისს გაიმართება გელზენკირხენში და თბილისის დროით 23 საათზე დაიწყება.