კილიან მბაპემ მადრიდის „რეალში“ ტრანსფერზე კომენტარი გააკეთა. როგორც ფრანგმა სოციალურ ქსელში დაწერა, ოცნება აუხდა და ძალიან ბედნიერია.

„ოცნება ახდა. ბედნიერი და ამაყი ვარ, რომ ჩემს საოცნებო კლუბს შევუერთდი. ვერავინ გაიგებს, როგორი აღტაცებული ვარ ახლა. მოუთმენლად ველი თქვენს ნახვას მადრიდისტებო და მადლობას გიხდით წარმოუდგენელი მხარდაჭერისთვის. ჰალა მადრიდ!“, - დაწერა მბაპემ სოციალურ ქსელში.

შეგახსენებთ, კილიან მბაპემ „პსჟ-ში“ 2017-2024 წლებში 308 შეხვედრაში 256 გოლი გაიტანა და კლუბის ყველა დროის ბომბარდირია. მანამდე ის „მონაკოს“ შემადგენლობაში თამაშობდა.