„მანჩესტერ იუნაიტედის“ მთავარმა მწვრთნელმა, ერიკ ტენ ჰაგმა, ინგლისის ასოციაციის თასის მოგების შემდეგ გუნდში მის მომავალთან დაკავშირებით კითხვას უპასუხა.

„ჩემს მომავალზე არ ვლაპარაკობ. ახლა კითხვა მე კი არა, გუნდს და თასის მოგებას ეხება“, - ციტირებს ტენ ჰაგის სიტყვებს BBC.

25 მაისს ინგლისის ასოციაციის თასის ფინალური მატჩი გაიმართა, რომელშიც ერთმანეთს მანჩესტერის „სიტი“ და „იუნაიტედი“ დაუპირისპირდნენ. თამაში „იუნაიტედის“ სასარგებლოდ ანგარიშით 2:1 დასრულდა.

თამაშის დაწყებამდე კი მედიაში გავრცელდა ინფორმაცია, რომ ნიდერლანდელს კლუბიდან გაათავისუფლებენ, თასის ფინალური მატჩის შედეგის მიუხედავად.