ლეგენდარულმა ბრაზილიელმა ფეხბურთელმა რომარიომ განაცხადა, რომ მის თაობაში ბევრად ჭკვიანი და ტექნიკური ფეხბურთელები იყვნენ, ვიდრე ახლა არიან.
რომარიოს აზრით, მას დღეს რომ ეთამაშა, ბევრად წარმატებული კარიერა ექნებოდა, ვიდრე ჰქონდა.
„ყოველთვის ძალიან პირდაპირი ვიყავი და მქონდა მომენტი, როცა მსოფლიოში საუკეთესო ვიყავი. ვფიქრობ, ახლა რომ ვთამაშობდე, ჩემი წარმატება უფრო დიდი იქნებოდა, დღეს ძალიან სულელი მცველები არიან. ისინი ბევრს დარბიან, ფეხბურთი ჩემს დროსაც იყო ფიზიკური, ყოველთვის ასე იყო, მაგრამ ფეხბურთელები ბევრად უფრო ტექნიკურები და ჭკვიანები იყვნენ. დარწმუნებული ვარ, რომ დღევანდელ ფეხბურთში 2 ათას გოლს გავიტანდი”, - თქვა რომარიომ.
