საქართველოს ეროვნული ლიგის მე-14 ტური ქუთაისის „ტორპედოს“ და „დინამო ბათუმის“ მატჩით დასრულდა.

შეხვედრა დაძაბული გამოდგა, რომლის ბედი ერთადერთმა, მაგრამ ძალიან ლამაზმა გოლმა გადაწყვიტა, რომელიც 28-ე წუთზე ტორპედოელმა ელიტონ ჟუნიორმა გაიტანა.

დარჩენილ დროში ორივე გუნდს ჰქონდა საგოლე მომენტები, მაგრამ გოლი აღარ გასულა. აღსანიშნავია, რომ ანდრეი დემჩენკოს გუნდი 62-ე წუთზე მამუკა კობახიძის გაძევების შემდეგ რიცხობრივ უმცირესობაში თამაშობდა.

„ტორპედო“ 23 ქულით მეოთხეა და მომდევნო ტურში ფოთის „კოლხეთს“ შეხვდება, ხოლო „დინამო ბათუმი“ 27 ქულით მესამე ადგილზეა და წინ „იბერიასთან“ მატჩი ელოდება.