ცნობილმა იტალიელმა ჟურნალისტმა ჯანლუკა დი მარციომ ვიქტორ ოსიმენის მომავალზე ისაუბრა. „ნაპოლის“ თავდამსხმელ ვიქტორ ოსიმენს „პარი სენ-ჟერმენში“ კარიერის გაგრძელების იდეა დიდად არ ხიბლავს და ურჩევნია ინგლისში ითამაშოს.
როგორც ჯანლუკა დი მარციომ თქვა, ოსიმენი არ არის აღტაცებული საფრანგეთში დაბრუნების პერსპექტივით, სადაც „ლილში“ უკვე თამაშობდა. მართალია, პსჟ-ში თამაში განსხვავებულია, მაგრამ მას ურჩევნია ინგლისში გადავიდეს.
„არსენალი“ და „ჩელსი“ დაინტერესებული არიან და ნიგერიელიც სანამ შესაძლებელი იქნება, მათ დაელოდება. დი მარციომ ისიც თქვა, რომ „ნაპოლის“ ახალი სპორტული დირექტორი ჯოვანი მანა „ჩელსის“ უკვე ესაუბრება გარიგების პირობებზე. მათ შორის, განიხილება ფასის დაკლების მიზნით ტრანსფერში რომელუ ლუკაკუს ჩართვაც.
ცნობილმა იტალიელმა ჟურნალისტმა ისიც თქვა, რომ ოსიმენს ლონდონში ბევრი მეგობარი ჰყავს და როცა თავისუფალი დღე აქვს, იქ ხშირად ჩადის. ასე რომ, აფრიკელი ფეხბურთელის სურვილი ცნობილია.
ვიქტორ ოსიმენის გამოსასყიდი ფასი 130 მილიონი ევროა, მას კონტრაქტი „ნაპოლისთან“ 2026 წლამდე აკავშირებს, მაგრამ დიდი ალბათობით, იტალიურ კლუბს დამდეგ ზაფხულს დატოვებს.
