გიორგი მამარდაშვილი, ჟაუმე დომენეკი და კრისტიან რივერო „ვალენსიას“ აკადემიის მეკარეებს შეხვდნენ და მათ საკუთარ გამოცდილება გაუზიარეს.

„ღამურების“ სამივე მეკარე გაესაუბრა ახალგაზრდა ფეხბურთელებს, მათ შორის, მამარდაშვილიც:

„ჩემთვის წნეხის გარეშე ცხოვრება ძალიან მოსაწყენია. მშვიდი უნდა იყო, კარგად მოემზადო, გაუძლო და დატკბე ამ წნეხით“, - ასე უპასუხა გიორგიმ მეკარეების შეკითხვას, როგორია „მესტალიაზე“ 40 000 მაყურებლის წინაშე თამაში.

„აქ ფეხბურთის სათამაშოდ ბევრი შესაძლებლობა არსებობს და საქართველოში ასე არ არის. პატარა რომ ვიყავი, 100 კმ-ის გავლა მიწევდა ყოველდღე და 100 კმ უკან, ადვილი არ იყო, მაგრამ ყოველდღიური მძიმე შრომით ახლა აქ ვარ. ეს შრომის დამსახურებაა“, - თქვა გიორგიმ.

შეგახსენებთ, რომ გიორგი მამარდაშვილი „ვალენსიაში“ 2021 წლიდან თამაშობს და დღემდე ესპანური გუნდის ღირსება 93 შეხვედრაში დაიცვა.