საქართველოს ნაკრების და „კრემონეზეს“ მცველმა ლუკა ლოჩოშვილმა ქართველ გულშემატკივარს მიმართა.
ვიდეო იტალიური კლუბის სოციალურ ქსელში გამოქვეყნდა, რომელშიც ლუკა ამბობს:
„მადლობა მინდა გადაგიხადოთ ქართველ გულშემატკივარს გვერდში დგომისთვის. ძალიან ვიგრძენი თქვენი მხარდაჭერა აქაც. ძალიან ბედნიერი ვარ, როგორც მთელი ერი. წინ საქართველო, წინ „კრემონეზე“, მიგულშემატკივრეთ აქაც, რომ სერია A-ში დავბრუნდეთ“, - თქვა ლოჩოშვილმა.
შეგახსენებთ, რომ ლუკა ლოჩოშვილი „კრემონეზეს“ ღირსებას 2022 წლის ზაფხულიდან იცავს.
