გერმანიის მეორე ბუნდესლიგაში „კარლსრუე“ „ფიურტს“ უმასპინძლებს, ბუდუ ზივზივაძეს კი ძირითად შემადგენლობაში ისევ არ ელოდებიან.

კრისტიან აიხნერმა ბოლო ტურებში გუნდის ტაქტიკა შეცვალა და ერთი თავდამსხმელით თამაშობს, ამით ზივზივაძე დაზარალდა, რომელიც ზედიზედ 6-ჯერ იყო სასტარტოში, მაგრამ ბოლო ორი ტური თადარიგში იყო.

აიხნერმა თქვა, რომ ეს რთული არჩევანია, რაც ფეხბურთელის ფორმით არ არის განპირობებული:

„ეს არის მძიმე გადაწყვეტილებებიდან ერთ-ერთი, რომლებიც ფეხბურთში არსებობს და არ არის განპირობებული ფეხბურთელის ფორმით, შედეგით ან განცდებით“, - აღნიშნა აიხნერმა.

თუმცა, „ფიურტთან“ აინხერმა მაინც არ გამორიცხა ორი თავდამსხმელით თამაში, შესაბამისად, ზივზივაძე შეიძლება მაინც მოხვდეს მოედანზე პირველივე წუთიდან.

მიმდინარე სეზონში ბუდუ ზივზივაძემ მეორე ბუნდესლიგაში 22 ჩატარებულ შეხვედრაში 8 გოლის გატანა მოახერხა.