წუხელ ინგლისის ასოციაციის თასის ყველა მეოთხედფინალური წყვილი გაირკვა. ერთმანეთს შეხვდებიან:

მანჩესტერ სიტი - ნიუკასლი

მანჩესტერ იუნაიტედი - ლივერპული

ვულვერჰემპტონი - ქოვენთრი სიტი

ჩელსი - ლესტერ სიტი.

ყველა მატჩი 16 მარტს გაიმართება. შეგახსენებთ, რომ ინგლისის თასის ფინალური მატჩი 25 მაისს ჩატარდება ლეგენდარულ „უემბლის“ სტადიონზე.

ინგლისის ასოციაციის თასის ამჟამინდელი მფლობელი „მანჩესტერ სიტია,“ რომელმაც შარშანდელ გადამწყვეტ მატჩში „მანჩესტერ იუნაიტედი“ 2:1 დაამარცხა.

ასოციაციის თასზე გამარჯვებების რაოდენობით რეკორდსმენი „არსენალი“ გახლავთ, რომელმაც ტურნირი 14-ჯერ მოიგო. ამ მაჩვენებლით მეორე ადგილზე „მანჩესტერ იუნაიტედია“ (12). შემდეგ 8-8 მოგებით „ლივერპული,“ „ტოტენჰემი“ და „ჩელსი“ მოდიან.