ვიქტორ ოსიმენი „ნაპოლის“ დაუბრუნდა. აფრიკის თასის დასრულების შემდეგ ნიგერიელი ნეაპოლში ორი დღის წინ დაბრუნდა, დღეს კი გუნდს შეუერთდა.
აფრიკელმა დღეს გუნდთან ერთად სრული დატვირთვით ივარჯიშა და „ბარსელონასთან“ მატჩისთვის ემზადება, რომელსაც დიდი ალბათობით, პირველივე წუთიდან დაიწყებს.
ოსიმენს 23 დეკემბრის შემდეგ არ უთამაშია „ნაპოლის“ მაისურით, როდესაც „რომას“ წინააღმდეგ იყო მოედანზე და წითელი ბარათიც მიიღო. მიმდინარე სეზონში ვიქტორმა „ნაპოლის“ რიგებში 8 გოლის გატანა მოახერხა.
