კონგოს დემოკრატიული რესპუბლიკა აფრიკის თასის ნახევარფინალში გავიდა, მას შემდეგ, რაც გვინეის ნაკრები 3:1 დაამარცხა.
სებასტიან დესაბრეს გუნდისთვის თამაში ცუდად დაიწყო, რადგან მეოცე წუთზე ანგარიში ბაიომ პენალტით გახსნა და გვინეა დაწინაურდა. თუმცა, 7 წუთში შანსელ მბებმა აღადგინა წონასწორობა.
65-ე წუთზე ვისამ წინ გაიყვანა კონგო, ხოლო საბოლოო ანგარიში ძალიან ეფექტური საჯარიმო დარტყმით მასუაკუმ დააფიქსირა.
კონგოს დემოკრატიული რესპუბლიკა ნახევარფინალში მალისა და კოტ დივუარს შორის უმჯობესს შეხვდება, მეორე ნახევარფინალში ნიგერია ელოდება მეტოქეს, რომელიც სამხრეთ აფრიკასა და კაბო ვერდეს შორის გაირკვევა.
