აზიის თასზე მორიგი ორი მერვედფინალური მატჩი გაიმართა და შედეგად მორიგი მეოთხედფინალისტები გაირკვა.

მასპინძელმა კატარმა პალესტინის ნაკრებს დაძაბულ ბრძოლაში 2:1 აჯობა. თავიდან სტუმრები იგებდნენ, მაგრამ მერე კატარის ნაკრებმა მაინც მოახერხა სიტუაციის შეცვლა და გამარჯვების მოპოვება.

დაძაბული იყო ერაყისა და იორდანიის მატჩიც, რომელიც იორდანელებმა 3:2 მოიგეს. არადა, გამარჯვებასთან ძალიან ახლოს იყო ერაყის ნაკრები, რომელიც 95-ე წუთამდე იგებდა (2:1), მაგრამ იმდენი მოახერხა, რომ თამაში ძირითად დროშივე წააგო, რადგან მსაჯის მიერ კომპენსირებულ მეხუთე და მეშვიდე წუთებზე ორჯერ გაუშვა და - 2:3.

მეოთხედფინალში იორდანია ტაჯიკეთს შეხვდება, კატარის მეტოქე კი უზბეკეთისა და ტაილანდის დაპირისპირებაში გაირკვევა.