„ალ-ნასრის“ მცველმა ემერიკ ლაპორტმა განაცხადა, რომ საუდის არაბეთში ბევრი ფეხბურთელი უკმაყოფილოა.

ესპანეთის ნაკრების წევრის თქმით, არაბები კონტრაქტით ნაკისრ ვალდებულებებს ბოლომდე ხშირად არ ასრულებენ.

„ევროპასთან შედარებით ყველა ჩვენგანისთვის დიდი ცვლილება იყო, მაგრამ ცხოვრებაში ყველაფერთან ადაპტირება შეიძლება. თუმცა, მათ საქმე არ გაგვიადვილეს, ბევრი ფეხბურთელი უკმაყოფილოა. ისინი ჩვენზე ნაკლებად ზრუნავენ, არ ასრულებენ კონტრაქტის პირობებს.

ცხოვრების ხარისხის თვალსაზრისითაც რაღაც განსხვავებულს ველოდი. დღეში სამ საათს საცობის გამო მანქანაში ვატარებთ. ყველაფერი ძალიან სუფთაა, მაგრამ საცობი უარყოფითი მხარეა.

ყოველ სამ დღეში ერთხელ ვთამაშობთ და ეს დამღლელია. ბევრი მატჩია, კალენდარი მჭიდროა, ეს არ გვაძლევს დასვენების საშუალებას. ფიზიკურად და მენტალურად რთულია, თუნდაც თამაშის ტემპი განსხვავებული იყოს. ჩვენ ვთამაშობთ ჩემპიონატში, საუდის არაბეთის თასსა და აზიის ჩემპიონთა ლიგაზე“, - თქვა ლაპორტმა.