მიმდინარე სეზონის დასრულების შემდეგ ტიაგო სილვა დიდი ალბათობით „ჩელსის“ დატოვებს. „არისტოკრატების“ მთავარმა მწვრთნელმა მაურისიო პოჩეტინომ განაცხადა, რომ მისი აზრით, კლუბი მასთან კონტრაქტის განახლებაზე არ იმუშავებს.

„არ მგონია, რომ კლუბის ხელმძღვანელობა მასთან ახალ კონტრაქტზე საუბრობდეს. ჩემი აზრით, ახლა მთავარია, ყველამ ერთად ვიმუშაოთ სასურველი შედეგების მისაღწევად“, - თქვა პოჩეტინომ.

შეგახსენებთ, რომ ტიაგო სილვა „ჩელსის“ ღირსებას 2020 წლიდან იცავს და დღემდე ჩატარებულ 139 შეხვედრაში 7 გოლის გატანა შეძლო.