ლონდონის „ჩელსის“ უკრაინელმა ფორვარდმა მიხაილო მუდრიკმა ინგლისის ლიგის თასის მეოთხედფინალის შემდეგ საუკეთესო ფეხბურთელის ჯილდო მიიღო. ამის შესახებ ლონდონური კლუბის ოფიციალური ვებგვერდი იტყობინება - „გილოცავთ, მიშა!" - წერს „ჩელსის“ პრესსამსახური.

შეგახსენებთ, რომ მიხაილომ ანგარიში „ნიუკასლთან“ მატჩში 92-ე წუთზე გაათანაბრა, შემდეგ კი მატჩისშემდგომ სერიაში პენალტი გაიტანა, რაც მის გუნდს მატჩის მოგებაში დაეხმარა (1:1, თერთმეტმეტრიანების სერია „ჩელსის“ სასარგებლოდ 4:2 დასრულდა). ნახევარფინალში „არისტოკრატები“ „მიდლსბროს“ შეხვდებიან.

მიმდინარე სეზონში მუდრიკმა მონაწილეობა მიიღო 20 მატჩში ყველა შეჯიბრში, რომელშიც ოთხი ბურთი გაიტანა და ერთი საგოლე გადაცემა შეასრულა.

მიხაილო „ჩელსიში“ „შახტარიდან“ 2023 წლის იანვარში გადავიდა. სატრანსფერო თანხამ 70 მილიონი ევრო შეადგინა, ფეხბურთელის კონტრაქტი კლუბთან 2031 წლის ზაფხულამდეა ძალაში.