თბილისის 41-ე საჯარო სკოლის (დირექტორი რევაზ ჯავახიშვილი) უკრაინულ სექტორში ჩატარდა ექსპერიმენტული საახალწლო ტურნირი ჭადრაკში პირველკლასელთა შორის. პირველ ადგილზე გავიდა არტიომ მარჩიშენი, რომელმაც ყველა პარტია მოიგო.
გამარჯვებულს 1 ქულით ჩამორჩა ბოჟენა მახარაშვილი, ხოლო მესამე ადგილი დავიდ გონჩარენკომ დაიკავა. პრიზიორებს გადაეცათ სიგელები და საახალწლო საჩუქრები. ტურნირის ორგანიზატორი გახლდათ თენგიზ ჩობანიძე.
