შაბათს, 9 დეკემბერს, „ლივერპულმა“ პრემიერლიგის მე-16 ტურის მატჩში სტუმრად „კრისტალ პალასი“ დაამარცხა - 2:1. ამრიგად, მერსისაიდელები ჩემპიონატის ზედიზედ ცხრა მატჩში დაუმარცხებლები არიან.

ბოლოს „ლივერპულმა“ პრემიერლიგაში სექტემბრის ბოლოს წააგო. ეს მოხდა „ტოტენჰემთან“ გასვლით მატჩში - 1:2. მომდევნო ცხრა შეხვედრაში მერსისაიდელებმა დაამარცხეს: „ევერტონი“ (2:0), „ნოტინგემ ფორესტი“ (3:0), „ბრენტფორდი“ (3:0), „ფულემი“ (4:3) და „შეფილდ იუნაიტედი" (2:0). ფრედ ითამაშეს: „ბრაიტონთან“ (2:2), „ლუთონთან“ (1:1) და „მანჩესტერ სიტისთან“ (1:1).

მომდევნო მატჩს „ლივერპული“ ხუთშაბათს, 14 დეკემბერს გამართავს. ევროპა ლიგის ჯგუფური ეტაპის მე-6 ტურში კლოპის გუნდი სტუმრად ბელგიის „უნიონს“ შეხვდება.