ლონდონის „ტოტენჰემმა“ სეზონი შესანიშნავად დაიწყო, 10 ტური წაუგებლად განვლო და პირველ ადგილზე იყო, მაგრამ ბოლო ხუთ ტურში ერთადერთი ქულა მოიპოვა.

„მამლები“ ამჯერად საკუთარ მოედანზე „ვესტ ჰემთან“ დამარცხდნენ. „ტოტენჰემი“ 27 ქულით მეხუთე ადგილზეა და ლიდერს უკვე 9 ქულით ჩამორჩება. „ვესტ ჰემმა“ 24 ქულა დააგროვა და მეცხრე ადგილზეა.

„ევერტონმა“ „ნიუკასლმა“ 3:0 დაამარცხა. მიუხედავად იმისა, რომ „კაჭკაჭები“ ფავორიტები იყვნენ, ლივერპულელებმა შესანიშნავად ითამაშეს და დამსახურებულად მოიგეს. „ევერტონს“ 10 ქულა აქვს დაკლებული, მაგრამ გასავარდნი ზონა დატოვა და 10 ქულით მე-17 ადგილზეა. რომ არა, დაკლებული ქულები, ახლა „ევერტონი“ მეათე ადგილზე იქნებოდა.