„მილანის“ ფორვარდმა, რაფაელ ლეაუმ, მილანში Gran Gala del Calcio 2023 დაჯილდოების ცერემონიაზე ქვედაკაბა მოირგო.
Gran Gala del Calcio 2023 არის საფეხბურთო ოსკარი, რომელმაც შეაჯამა იტალიის 2022/2023 წლების სეზონის შედეგები. საუკეთესო მოთამაშედ „ნაპოლის“ ფორვარდი ვიქტორ ოსიმენი აღიარეს, ხოლო წლის სიმბოლურ ნაკრებში ცერემონიაზე უჩვეულო სამოსით გამოსული „მილანის“ ფორვარდი მოხვდა.
ხვიჩა კვარაცხელიას გასული სეზონის საუკეთესო გოლის ავტორის პრიზი გადაეცა.
ლეაო „მილანში“ 2019 წლიდან თამაშობს. მიმდინარე სეზონში 24 წლის პორტუგალიელმა სერია A-ში 12 მატჩი ჩაატარა, სამი ბურთი გაიტანა და ამდენივე საგოლე გადაცემა შეასრულა.
