„მილანს“ მთავარ მწვრთნელად ანდრეი შევჩენკო შესთავაზეს. ინფორმაციას ცნობილი იტალიელი ჟურნალისტი ნიკოლო სკირა ავრცელებს.

„როსონერის“ ბოლო დროს წარუმატებელი შედეგები აქვს, რის გამოც სტეფანო პიოლის მომავალი კითხვის ნიშნის ქვეშ დადგა, თუმცა, კლუბი ჯერჯერობით, გამოცდილ სპეციალისტს ნდობას უცხადებს. მილანური გრანდის ხელმძღვანელობას შევჩენკოს დანიშვნა სეზონის ბოლომდე რამდენიმე შუამავალმა შესთავაზა, მაგრამ „როსონერიში“ უკრაინელის ვარიანტი არ მოსწონთ, ამიტომ, ჯერჯერობით, პიოლი სამსახურს ინარჩუნებს.

ანდრეი შევჩენკო სამწვრთნელო კარიერაში ბოლოს „ჯენოას“ ავარჯიშებდა, მანამდე კი უკრაინის ნაკრების მწვრთნელი იყო, რომელიც 2021 წელს ევროპის ჩემპიონატის მეოთხედფინალში გაიყვანა.