საქართველოს ნაკრებისა და „ნაპოლის“ ფეხბურთელი ხვიჩა კვარაცხელია მიუნხენის „ბაიერნის“ ინტერესის სფეროშია. ამის შესახებ იტალიური მედია გერმანულ მედიაზე დაყრდნობით წერს.
ბავარიული კლუბი ყურადღებით აკვირდება კვარაცხელიას სეზონს და ასევე სიტუაციას, რომელიც მის კონტრაქტთან დაკავშირებითაა შექმნილი.
ჯერჯერობით, გერმანელებს პირდაპირი კონტაქტი არც ფეხბურთელის წარმომადგენლებთან და არც „ნაპოლის“ ხელმძღვანელობასთან ჰქონიათ, მაგრამ ინტერესი არსებობს. თავის მხრივ, „ნაპოლი“ ცდილობს, რომ ხვიჩას ახალი კონტრაქტი გაუფორმოს გაუმჯობესებული პირობებით.
აღსანიშნავია, რომ „ბაიერნმა“ გასულ ზაფხულს „ნაპოლიდან“ კიმ მინ-ჯე უკვე შეიძინა შესაბამისად, ნეაპოლელებთან ტრანსფერზე მუშაობის გამოცდილება მიუნხენში აქვთ.
შეგახსენებთ, ესპანეთთან მატჩს კვარაცხელიას დასაკვირვებლად „მანჩესტერ სიტის“, „ნიუკასლის“, „ჩელსის“ და „მანჩესტერ იუნაიტედის“ სკაუტები ესწრებოდნენ.
