ხვიჩა კვარაცხელიას ესპანეთთან მატჩში ინგლისური კლუბის წარმომადგენლები აკვირდებოდნენ. ამის შესახებ იტალიური მედია წერს.

როგორც ცნობილი გახდა, „მანჩეტერ სიტის“, „ნიუკასლის“, „მანჩესტერ იუნაიტედის“ და „ჩელსის“ სკაუტები საქართველო-ესპანეთის მატჩს ესწრებოდნენ, მათი დაკვირვების ობიექტი კი ქართველი შემტევი იყო.

თუმცა, ნაკლებ სავარაუდოა, რომ „ნაპოლიმ“ კვარაცხელია მომდევნო ზაფხულს გაყიდოს, რადგან კლუბი მასთან ახალი კონტრაქტის გაფორმებას აპირებს, რაზეც მედია უკვე წერდა.

შეგახსენებთ, რომ მიმდინარე სეზონში ხვიჩა კვარაცხელიამ ყველა ტურნირზე 3 გოლი გაიტანა და 4 საგოლე პასი გააკეთა.