პორტუგალიის ნაკრების მთავარმა მწვრთნელმა, რობერტო მარტინესმა, ნაკრების ფორვარდის კრიშტიანუ რონალდუს გამოსვლაზე ისაუბრა.

„კრიშტიანუ ისევეა დამშეული გოლებზე, როგორც 18 წლის ფეხბურთელი. ის მისაბაძია, ყოველთვის ცდილობს სწორი პოზიცია დაიკავოს და გოლის გატანის მომენტს ეძებს“, - ციტირებს მწვრთნელის სიტყვებს Goal.

პორტუგალიის ნაკრებმა ევრო 2024-ის საკვალიფიკაციო ეტაპის 10-ვე მატჩი მოიგო და ტურნირის ფინალურ ეტაპზე გავიდა. 38 წლის რონალდუმ 9 მატჩში 10 გოლი გაიტანა.

2022 წლის დეკემბერში რონალდუ საუდურ „ალ-ნასრში“ გადავიდა. მისი კონტრაქტი გუნდთან 2025 წლის ზაფხულამდეა გათვლილი.