მადრიდის „ატლეტიკოს“ მთავარმა მწვრთნელმა, დიეგო სიმეონემ, შეაქო თავისი გუნდის თავდამსხმელი, ალვარო მორატა და ის „მანჩესტერ სიტის“ ფორვარდ ერლინგ ჰოლანდსა და მიუნხენის „ბაიერნის“ ბომბარდირ ჰარი კეინს შეადარა.

„დიახ, მორატა ერთ-ერთი საუკეთესოა გოლებითა და ზოგადად შედეგიანობით. მე მას შევადარებ ისეთ ფეხბურთელებს, როგორებიც ერლინგ ჰოლანდი და ჰარი კეინი არიან, ისინი დაახლოებით ერთი დონეზე თამაშობენ“, - ციტირებს სიმეონეს სიტყვებს Mundo Deportivo.

შეგახსენებთ, რომ მიმდინარე სეზონში მორატამ ყველა ტურნირზე 15 მატჩში მიიღო მონაწილეობა, რომელშიც 12 ბურთი გაიტანა და სამი საგოლე გადაცემა შეასრულა.