„არსენალის“ ნახევარმცველმა, მარტინ ედეგორმა, ლონდონური კლუბის ბოლო სამი თამაში გამოტოვა ვარჯიშის დროს ტვინის შერყევის გამო - წერს Daily Mail.
წყაროს ცნობით, ნოემბრის დასაწყისში, „ნიუკასლთან“ პრემიერლიგის მატჩის წინ ვარჯიშის დროს, ნორვეგიელს ბურთი საზეში მოხვდა. ამ დარტყმის შემდეგ მარტინს ტვინის შერყევის დიაგნოზი დაუსვეს.
შეგახსენებთ, რომ 24 წლის ფეხბურთელმა 4 ნოემბერს გამართული ინგლისის ჩემპიონატის მატჩი ნიუკასლთან (1:0) გამოტოვა. ვერ მიიღო მონაწილეობა ჩემპიონთა ლიგის თამაშში „სევილიასთან“ (2:0), რომელიც 8 ნოემბერს გაიმართა. ედეგორმა ასევე გამოტოვა პრემიერ ლიგის ბოლო ტურის მატჩი „ბარნლისთან,“ რომელშიც „მეთოფეებმა“ ანგარიშით 3:1 მოიგეს.
