შვედეთის ჩემპიონატის 2023 წლის სეზონი დრამატულად დასრულდა, რადგან ჩემპიონის ბედი ბოლო ტურში „მალმიოსა“ და „ელფსბორგის“ დაპირისპირებაში გაირკვა.

მასპინძლებს მხოლოდ მოგება სჭირდებოდათ, სტუმრებს ფრეც აძლევდათ ხელს. საბოლოოდ, მიზანს „მალმიომ“ მიაღწია, რომელმაც 1:0 მოიგო და ჩემპიონი ისტორიაში 23-ედ გახდა.

აღსანიშნავია, რომ საბოლოოდ, ორივე გუნდმა სეზონი 64-64 ქულით დაასრულა, „მალმიო“ კი ჩემპიონი ბურთების უკეთესი ბალანსით გახდა.

საჩემპიონო მატჩი 50 წუთით იყო შეწყვეტილი, რადგან სტადიონზე ფანების პერფორმანსის გამო სახანძრო განგაშის სიგნალი ჩაირთო, რათა ხალხს სტადიონი დაეტოვებინა, თუმცა ტრიბუნა არავის დაუტოვებია, 50 წუთის მერე კი მატჩი განახლდა და საბოლოოდ, „მალმიო“ შვედეთის ჩემპიონი გახდა.