NBA-ში „ორლანდო მეჯიქმა“ „მილუოკი ბაქსს“ უმასპინძლა და 112:97 გაიმარჯვა. მასპინძლებმა უპირატესობა თავიდანვე მოიპოვეს და გამარჯვება არ გასჭირვებიათ.

გოგა ბითაძემ ისევ სასტარტო ხუთეულში ითამაშა. ამჯერად მან პარკეტზე 21 წუთი გაატარა და ხსენებულ დროში 2 ქულა, 9 მოხსნა და 2 პასი დააგროვა. გოგამ 5-დან 1 ორქულიანი ჩააგდო, სამქულიანი და საჯარიმო კი არ უსვრია.

„ორლანდო მეჯიქი“ აღმოსავლეთ კონფერენციაში 5 მოგებით და 4 წაგებით მეოთხე ადგილზეა, მომდევნო ტურში კი 15 ნოემბერს, „ბრუკლინ ნეტსს“ ესტუმრება.