მადრიდის „რეალის" მთავარმა მწვრთნელმა, კარლო ანჩელოტიმ, კიდევ ერთი რეკორდი დაამყარა - მწვრთნელის რანგში ჩემპიონთა ლიგაზე ყველაზე მეტი გამარჯვება მოიპოვა - გვამცნობს MisterChip.

ანჩელოტიმ მთავარი მწვრთნელის რანგში 116-ე შეხვედრა მოიგო და ალექს ფერგიუსონის მიღწევა გააუმჯობესა.

ანჩელოტი „რეალს" 2021 წლიდან ხელმძღვანელობს. მისი კონტრაქტი კლუბთან 2024 წლამდეა გათვლილი.

შეგახსენებთ, რომ ჩემპიონთა ლიგის ჯგუფური ეტაპის მე-4 ტურის მატჩში „რეალმა“ „ბრაგა“ 3:0 დაამარცხა. ოთხი ტურის შემდეგ ანჩელოტის გუნდი C ჯგუფს 12 ქულით ერთპიროვნულად ლიდერობს და ფლეი ოფის საგზურიც ვადამდე მოიპოვა.

მომდევნო ტურში „რეალი“ „ნაპოლის“ უმასპინძლებს. მატჩი 29 ნოემბერს გაიმართება.