ლეგენდარულმა იტალიელმა მწვრთნელმა არიგო საკიმ „ნაპოლი“ გააკრიტიკა. როგორც მან თქვა, რუდი გარსიას გუნდი შორსაა იმ „ნაპოლისგან“, რომელიც გასულ სეზონში იყო.
„ნაპოლი“, რომელმაც „უნიონი“ დაამარცხა, ძალიან შორსაა გასული სეზონის „ნაპოლისგან“. გარსიას ფეხბურთელები არ არიან ისეთი ყურადღებიანი, როგორც წარსულში იყვნენ, არ არიან გადამწყვეტები და პირველ რიგში, აღარ თამაშობენ პრესინგს. ვნახე უამრავი შეცდომა ლობოტკასგან, რომელიც გასულ სეზონში ყოველთვის პრაქტიკულად სრულყოფილი იყო.
ფლანგის მცველებიც ვერ თამაშობენ ძველებურად. ზოგიერთი, ვგულისხმობ კვარაცხელიას და რასპადორის, კარგ ფორმაში არიან, მაგრამ გზა გრძელია. „ნაპოლი“ აღარ აწყობს შოუს, ვეღარ დომინირებს მეტოქეზე და ხალხს სიამოვნებას ვერ ანიჭებს. იმედი მაქვს, რომ გარსიას გუნდი დაუბრუნდება გასული სეზონის დონეს, როდესაც მთელი ევროპისთვის მისაბაძი იყო“, - თქვა საკიმ.
