ამსტერდამის „აიაქსის“ ფეხბურთელი გიორგი მიქაუტაძე ევროპა ლიგის მესამე ტურში „ბრაიტონის“ წინააღმდეგ ვერ ითამაშებს.
როგორც ნიდერლანდური გუნდის ვებგვერდი იტყობინება, გიორგი ავადაა და ამსტერდამელებს ინგლისში საერთოდ არ გაჰყოლია. უფრო კონკრეტულად, რა აწუხებს მიქაუტაძეს, უცნობია.
გიორგი მიქაუტაძემ „აიაქსში“ 4 მატჩი ჩაატარა, მხოლოდ ერთხელ იყო ძირითადში და გოლი არ გაუტანია. კონკრეტულად ევროპა ლიგაზე მას ჯერ თამაშის შესაძლებლობა არ მისცემია.
აქვე გეტყვით, რომ „აიაქსს“ „ბრაიტონთან“ დროებითი მწვრთნელი ჰედვინგს მადურო უხელმძღვანელებს, ხოლო ვინ შეცვლის მორის სტეინს, მოგვიანებით გაირკვევა.
