ვერონაში, ნეაპოლელი გულშემატკივრები ჩავიდნენ, რასაც დაპირისპირება მოჰყვა. ამის შესახებ იტალიური მედია წერს.

„ვერონას“ და „ნაპოლის“ ფანებმა მატჩის წინ ქუჩაში იჩხუბეს. ამ გუნდების ტიფოზებს დიდი ხანია ძალიან დაძაბული ურთიერთობა აქვთ და დაპირისპირება გასაკვირი არ არის. პოლიცია საქმეში ჩაერთო და სიტუაცია განმუხტა.

„ნაპოლის“ რამდენიმე გულშემატკივარი პოლიციაში იდენტიფიკაციისთვის გადაიყვანეს და ისინი თამაშს ვერ დაესწრებიან.

შეგახსენებთ, რომ „ვერონასა“ და „ნაპოლის“ შეხვედრა 21 ოქტომბერს, თბილისის დროით 17:00 საათზე გაიმართება.