საქართველოს ეროვნული ნაკრები კვიპროსთან მატჩისთვის ემზადება. ტაილანდთან შეხვედრის შემდეგ, 12 ოქტომბერს, ვილი სანიოლის გუნდმა მიხეილ მესხის სახელობის სტადიონის სათადარიგო მოედანზე ივარჯიშა. საწვრთნელ პროცესში 24 ფეხბურთელი მონაწილეობდა.

საქართველო - კვიპროსის მატჩამდე ერთი დღით ადრე, 13 ოქტომბერს, გუნდები მიხეილ მესხის სახელობის სტადიონზე ივარჯიშებენ, სადაც მატჩისწინა პრესკონფერენცია გაიმართება.

შეგახსენებთ, რომ საქართველოსა და კვიპროსის მატჩი 15 ოქტომბერს, 17:00 საათზე „მიხეილ მესხის“ სტადიონზე გაიმართება.