პორტუგალიის ქალაქ ოდიველასში მიმდინარე მსოფლიოს ახალგაზრდულ ჩემპიონატზე საქართველოს ნაკრებს პირველი მედალი ალექსანდრე ლოლაძემ მოუტანა.

81 კგ წონით კატეგორიაში ლოლაძემ 4 ბრძოლა მოიგო, რის შედეგად ფინალში გავიდა, სადაც იაპონელ კაიტო ამანოსთან დამარცხდა. შესაბამისად, ვერცხლის მედალი მოიპოვა და საქართველოს უმედლო სერია ახალგაზრდულ მსოფლიოს ჩემპიონატზე შეწყდა.

მსოფლიოს ჩემპიონატზე 7 ოქტომბერს, გიორგი ბადუაშვილი, შალვა გურეშიძე და ნინო პაპიძე იასპარეზებენ, რითაც ინდივიდუალური პირველობა დასრულდება.