"თელავმა" "დილა" ბოლო წუთზე დაამარცხა და ზედიზედ მესამედ გაიმარჯვა

არადა გორელებმა კარგად დაიწყეს და მე-5 წუთზე ანგარიში ონორე გომისმა გახსნა. თუმცა, მასპინძლებამ სიტუაცია სათავისოდ მაინც შეცვალეს. პირველი ტაიმის მიწურულს ირაკლი რუხაძემ ანგარიში გაათანაბრა.

თელაველებმა გამარჯვების გოლი მსაჯის მიერ კომპენსირებულ მეექვსე წუთზე გაიტანეს, რომელიც გურამ გოშთელიანის აქტივშია - 2:1.

„თელავმა“ ზედიზედ მესამე გამარჯვებით 30 ქულა დააგროვა და მეშვიდე ადგილზეა, ხოლო „დილას“ 44 ქულა აქვს და მეოთხე პოზიციას იკავებს.

„თელავი“ – „დილა“ 2:1 (1:1)

გოლები: 0:1 გომისი (5), 1:1 რუხაძე (42), 2:1 გოშთელიანი (90)

გიორგი მელქაძე

თეგებითელავი დილა ეროვნული ლიგა