იტალიელმა ჟურნალისტმა სტეფანო იმპალომენიმ განაცხადა, რომ ხვიჩა კვარაცხელია და ვიქტორ ოსიმენი გოლებს თუ გაიტანენ, რითაც „ნაპოლი“ გაიმარჯვებს, ყველაფერი დალაგდება.
„ბოლონიასთან“ მატჩის შემდგომი პერიოდი რთული სამართავი იყო, გარსიამ დისკომფორტი არც დამალა. ამ შემთხვევაში, რაც მოხდა ოსიმენთან დაკავშირებით, რომელმაც შეცდომა დაუშვა, გამოსავალი მხოლოდ ერთია - გადი მოედანზე და გაიმარჯვე. ოსიმენმა და კვარამ გოლები რომ გაიტანონ და „ნაპოლიმ“ მოიგოს, ყველაფერი დალაგდება. გარსიამ შეცდომები დაუშვა და ფეხბურთელებმაც, მაგრამ კარგი გამარჯვებით საქმე უნდა გამოსწორდეს. ერთია სკუდეტოს მოგება ტურინში, მეორე ნეაპოლში, რომსა და ფლორენციაში. გარსიამ არასწორი მიდგომა გააკეთა“, - თქვა იმპალომენიმ.
