„მანჩესტერ იუნაიტედის“ ფეხბურთელი ჯეიდონ სანჩო შესაძლოა ზამთარში „ბარსელონაში“ გადავიდეს. ამის შესახებ Sport-ი წერს.
ესპანური გამოცემის ცნობით, კატალონიური გრანდი ინგლისელის გადაბირებით დაინტერესებულია და შესაძლოა, ტრანსფერზე მუშაობა დაიწყოს. ჯერჯერობით, ფინანსური დეტალები უცნობია, მაგრამ სანჩოს „მანჩესტერიდან“ წასვლა პრაქტიკულად გადაწყვეტილია.
ჯეიდონს ერიკ ტენ ჰაგთან კონფლიქტი აქვს, რის გამოც მთავარ გუნდს ჩამოაშორეს და როდის მისცემენ გუნდთან ერთად ვარჯიშის უფლებაც არავინ იცის. ამის ფონზე, იანვარში ინგლისელის გუნდიდან წასვლის შანსი ცხადია, რომ მაღალია.
„მანჩესტერ იუნაიტედმა“ ჯეიდონ სანჩო 2021 წელს „დორტმუნდიდან“ 85 მილიონ ევროდ დაიმატა. მას შემდეგ ინგლისელმა ფეხბურთელმა 82 მატჩში 12 გოლი გაიტანა.
