ამსტერდამის „აიაქსის“ სპორტულმა დირექტორმა სვენ მისლინტატმა გიორგი მიქაუტაძეზე ისაუბრა. როგორც მან განაცხადა, ქართველი ფორვარდი ახლა რომ ეყიდათ, ცოტა ხანში მისი ფასი 50 მილიონი ევრო გახდებოდა და „აიაქსისთვის“ მიუწვდომელი იქნებოდა.

„დარწმუნებული ვარ, რომ ნებისმიერ დონეზე შესაძლებელია იპოვოთ მოთამაშეები, რომლებსაც შეუძლიათ მაღალ დონეზე თამაში. თუ მხოლოდ ისეთი ფეხბურთელის შეცდომას ცდილობ, რომელიც პრემიერლიგაში თამაშობს და „აიაქსი“ ხარ, მაშინ შანსი არ გაქვს. ამის გაკეთება კიდევ შესაძლებელია, თუ ფეხბურთელი „მანჩესტერ სიტის“ მეორე გუნდში თამაშობს.

ნიჭიერი ფეხბურთელი ყველა დონეზე არსებობს. შეგიძლია უსაფრთხო არჩევანი გააკეთო და ბევრი თანხა გადაიხადო ფეხბურთელში, მაგრამ ჩემი საქმეა ვიპოვო კარგი მოთამაშეები, რომლებიც ძვირი არ არიან.

მიქაუტაძეში 16 მილიონი ევრო გადავიხადეთ და გარკვეული მოლოდინი გვაქვს. ლიგა 2-ში ამდენი გოლის გატანა ადვილი არ არის, თუ დააკვირდებით, მისი ასაკის რომელმაც ფეხბურთელებმა შეძლებს მსგავსი რამ წარსულში, ისინი კარიერაში ძალიან შორს წავიდნენ. თუ ჩვენ დაველოდებოდით, სანამ მიქაუტაძე ლიგა 1-ში ამდენ გოლს გაიტანდა, ძალიან დავაგვიანებდით, რადგან მისი ფასი 50 მილიონი ევრო გახდებოდა და ჩვენ ვერ შევიძენდით. ასე რომ, უნდა იყო საჭირო დროს მზად და გქონდეს გამბედაობა“, - თქვა მისლინტატმა.

შეგახსენებთ, რომ გიორგი მიქაუტაძემ „აიაქსში“ ჯერ მხოლოდ ერთი მატჩი ჩაატარა.