სერხიო რამოსი კარიერას „სევილიაში“ გააგრძელებს. ფაბრიციო რომანოს ცნობით, 37 წლის მცველმა ანდალუსიურ კლუბთან მოკლევადიან კონტრაქტზე შეთანხმებას მიაღწია.

სხვა დეტალები უცნობია, მაგრამ რომანო წერს, რომ რამოსს მაგიდაზე უდევს „ალ-იტიჰადის“ და თურქული კლუბების შეთავაზებები, მაგრამ ის ესპანეთში ითამაშებს.

სერხიო რამოსმა „სევილიაში“ 2003-2005 წლებში 50 შეხვედრაში თავი 3-ჯერ გამოიჩინა, ბოლო ორი სეზონი პსჟ-ში გაატარა, სადაც 58 შეხვედრაში 3 გოლი მიითვალა, ხოლო კარიერის გამორჩეული პერიოდი მადრიდის „რეალთან“ ასოცირდება, რომლის მაისურით 671 მატჩში 171 გოლის გატანა შეძლო.