სლოვაკეთის ჩემპიონატის მეექვსე ტურში გურამ კაშიამ გოლი გაიტანა. „სლოვანი“ „პოდბრეზოვასთან“ 93-ე წუთამდე მარცხდებოდა, მაგრამ ქართველმა მცველმა ანგარიში გაათანაბრა.

გურამმა გოლი თავური დარტყმით გაიტანა. ერთი წუთის შემდეგ ტიგრან ბარსეგიანმაც იხეირა და გამარჯვება ვლადიმირ ვაისის გუნდს მოაპოვებინა - 3:2. კაშიამ სლოვაკეთის ჩემპიონატის მიმდინარე სეზონში პირველად ითამაშა და შესაბამისად, პირველი გოლიც გაიტანა. ის მოედანზე 90 წუთი იყო, ხოლო ჯაბა კანკავა 79-ე წუთზე შეცვალეს.

„სლოვანს“ სლოვაკეთის ჩემპიონატში ორი მატჩი გამოტოვებული აქვს, ოთხ თამაშში კი 8 ქულა მოიპოვა, ხოლო მომდევნო ტურში „დუნაისკა სტრედას“ შეხვდება.